معلوماتك إشي كثير مهم. بالانترنت وبالحياة عمومًا. بكون منيح إذا بتبطّل over-sharing هالقد. المهم، مهم الانتباه لتفاصيل المعلومات، وتكونوا واعيين لهاي المواضيع كأنكو فاضيين البال وعايشين بريف سويسرا.
بهاي الصفحة راح أشرح شو المعلومات إلّي بجمعها تطبيق كرمليت ("التطبيق") وكيف منستخدمها بالزبط.
بالمناسبة — داخل التطبيق، في قسم "تفاصيل"، بتلاقوا صفحة "مفاتيح". هناك ممكن تنزّلوا كل المعلومات الخاصّة فيكم، وهناك ممكن تطلبوا حذف الحساب الخاص فيكو، وكل المعلومات المرتبطة فيه.
استخدام تطبيق "كرمليت" بعني إنّك موافق\ة على التالي:
كرمليت تطبيق مدوّنة يوميّة، مشروع أدبي لمجد كيّال. التواصل بأي موضوع بتعلّق بالخصوصيّة، طلب حذف معلومات أو الحصول على معلومات، ممكن يتم من خلال قسم "تفاصيل" في التطبيق، أو من خلال البريد الالكترونيّ hi@carmel.it، والقصد الخصوصيّة بالتطبيق. مش معلومات سمعتها وأنا مارق جنبك بالقهوة.
أغلب المعلومات الشخصيّة بالتطبيق محفوظة على جهازك بس. ولا حتى أنا بقدر أشوفها، وبتقدر تعتبرها آمنة، يعني سرّك في بير. شو المعلومات الي ما حدا بشوفها غير؟
ونعيد ونعيد ونعيد: في صفحة "تفاصيل"، باب الـ"مفاتيح" ممكن تطلب حذف الحساب من جهازك، وبهاي الحالة راح تُحذف كل البيانات أعلاه ولا يُمكن استعادتها، وما بحتفظ بنسخة منها بأي مكان. قبل إغلاق الحساب، بتقدر تطلب كافّة بياناتك وتنزّلها لتبقى عندك.
منجمع نوعين من المعلومات: ضروريّة واختياريّة.
معلومات مطلوبة لتشغيل الحساب بما إنّه تسجيل الدخول عن طريق Google. منوخد من Google: البريد الالكتروني، الأسم، صورة البروفايل التابعة للإيميل. أكيد ما منعرف كلمة السر تبعت ايميلك، وأكيد بتوصلناش أي بيانات ثانية للحساب. بشرفي.
كرمليت مشروع بشتغل على تقريب المسافة بين الكاتب والقارئ، وجزء أساسي من طبيعة المشروع بتعلّق بصلة الكتابة في المكان، وحيفا تحديدًا. المهم، خلال مرحلة "التعارف" التطبيق راح يسأل أسئلة، ممكن تختاروا تتجاهلوها زي م أنا متجاهل مسؤوليّاتي العائليّة، أو تعبّوها من وحي خيالكو رغم محدوديّاته. المعلومات الي تُطلب وتُجمع هي الآتية:
كل هاي الحقول اختيارية. وممكن تجاوزها عند التسجيل، وتعديلها أو حذفها في أي وقت من قسم "التفاصيل" بالتطبيق. ما بشاركها مع أي طرف، ما بستخدمها لأي غرض غير المذكور أعلاه. ماشي؟
بسجّل تفاصيل عن استخدامك للتطبيق عشان أفهم التفاعل ونزبّط الوضع:
إذا بعثت رسالة إلى الكاتب من خلال التطبيق، بحفظ هاي الرسالة بالسيرفر عشان أقدر اقرأها وأجاوب عليها إذا كان جاي عبالي.
عشان النوتفيكيشنز، بتخزّن رمز جهازك الخاص بخدمة Expo/Google، وهاد ضروري عشان يوصلك نوتفيكيشن ويعشش مع الـ ٥٠ نوتيفيكيشن ثانيين الي بتفتحهنش. ما منستخدم هذا الرمز بأي شكل ثاني إطلاقًا.
ما بقدر أشوف ولا إشي بتعلّق بالدفع وبطاقة الائتمان. الإشي الوحيد الي بقدر أعرفه إذا الاشتراك فعّال أو معطّل، وإذا فعّال وينتى بنتهي. لا بشوف كيف دفعت، ولا قديش بتصرف دخّان بالشهر، ولا قديش عليك ديون للبنك. كل موضوع الدفع والاشتراك بتعالج من خلال Google Play أو App Store.
في أشياء ضروري قليلة مجبور أشاركها مع مزوّدي خدمة. هذول بس، ولا حدا ثاني:
تُحفظ بياناتك في قاعدة بيانات محميّة على خادم خاص، محمي بجدار حماية، مع تشفير للاتصالات عبر HTTPS. أكثر من هيك شو أعمل؟ أحرق عجال ع فوتة السيرفر؟
لا بس جد، قد م الواحد يبذل مجهود، بالنهاية ما حدا بضمن أمن مطلق، فانتبهوا على معلوماتكو.
بحقّلك بأي وقت:
لأي من هذه الطلبات، راسلنا على: hi@carmel.it
التطبيق موجّه لجيل ١٣ وطالع. ما منجمع معلومات من مستخدمين تحت هذا السن. إذا وصلنا إشي عن طفالى أبريا منحذف البيانات فورًا. ما منستخدم تاريخ الميلاد لاستهداف القاصرين بأي محتوى إعلاني بتاتًا إطلاقًا.
منحتفظ ببياناتك لطالما حسابك نشط. لما تحذف الحساب، منحذف بياناتك خلال ٣٠ يوم. وببقى بس:
السيرفر تاعنا في أمستردام، هولندا. هيك مشروع بدّه سيرفر ببلد مسموح فيها التدخين. المهم، إذا كنت بتستخدم التطبيق خارج الاتحاد الأوروبي، يا عالم ثالث انت، فبيانات الخادم تُنقل وتُخزَّن في الاتحاد الأوروبي وفقًا لمعاييره لحماية البيانات.
إذا عدّلنا هذه السياسة، راح نعلمك من خلال رسالة في التطبيق، قبل م تدخل التعديلات حيّز التنفيذ. تاريخ آخر تحديث مذكور أعلى الصفحة.
لأي سؤال أو طلب يتعلق بالخصوصية: hi@carmel.it
بعرفش إذا حدا وصل لهون، بس إلّي وصل — شكرًا، لفتة حلوة منك.